مقاطع من اغنية عذبني لمحمد وردي

عذبني - محمد وردي

عذبني وزيد عذابك يمكن قلبي يقسى
زي مانساني قلبك يمكن قلبي ينسى
*****
عذبني وتفنن في ألوان عذابي
ماتمسح دموعي وما ترحم شبابي
خليني في شجوني يمكن قلبي ينساك
******
عذبني وتناسى الكان بيني بينك
ماتطرالي عشرة والفات من سنينك
خليني في شجوني يمكن قلبي ينساك
******
عذبني وتنكر للحب والحنان
للريد والمودة وكل الكان زمان
خليني في شجوني يمكن قلبي ينساك

اغنية رسائل

حبيبي اكتب لي وانا اكتب ليك
بالحاصل بي والحاصل بيك
الباقي علي انا شوق وحنين
واقيم الليل اهات وانين
اتقلب ما بين الجنبين
فارقني حبيب الفني سنين
استحكم بينو وبيني البين
يا ليالي زمان الله عليك
ما ليك امان يا دا الزمان
ياحبيب روحي ونور عيني
انا اكتب ليك وانت اكتب لي
اكتب لي عن كل شي
يا وحيد عمري الما دمت حي
ازكر ودادي وارحم فؤادي
ارع الوفا ودع الجفا
وازكر صفا ايامنا ديك
ازكر جلوسنا على الربى
نستعرض اسراب الظبا
نسمع لهمسات الصبا
ونحن في فجر الصبا
ابسم اليك تبسم معاي
جالس حداي تسمع غناي
مع صوت الناي وانا يا مناي
الطول حياتي بغني ليك...

كلمات : سيف الدين الدسوقي
الحان: عبد اللطيف خضر (ود الحاوي)
غناء: ابراهيم عوض (الفنان الذري)


ليه بنهرب من مصيرنا
ونقضى ايامنا فْ عذاب
ليه تقول لى انتهينا
ونحن فى عز الشباب
نحن فى الأيام بقينا
قصة ما بتعرف نهاية
ابتدت ريده ومحبه
واصبحت فى ذاتها غاية
كنت تمنحنى السعادة
ولى تتفجر عطايا
ولما أغرق فى دموعى
تبكى من قلبك معايا
كنا فى ماضينا قوة
قوة تتحدى الصعاب
نقطع الليل المخيم
ونمشى فى القفر اليباب
كنا للناس رمز طيبة
وكنا عنوان للشباب
وهسى تائهين لينا مدة
نجرى من خلف السراب
تأنى ما تقول إنتهينا
تنهى جيل ينظر الينا
بانى أماله وطموحه
ومعتمد أبداً علينا
نحن قلب الدنيا ديه
ونحن عز الدنيا بينا
تانى ما تقول إنتهينا
نحن يا دوب إبتدينا...

كلمات: التجانى حاج موسي
غناء: كمال ترباس..


جاي تفتش الماضي خلاص
الماضي ولي زمان
وجفت مقلتي الباكية
ونامت من سنين احزان
ارجع بالزمن مرة
واتذكر حكايتي معاك
تلاقي الذكرة جد مرة
و ما راعيت شعور مدناك
وكل ما تذيدني في هجرك
اقول ليك زيدني ما احلاك
لا نفع التوسل ليك
ولا هجرانى يوم هماك
اقول ليك بالتوبة والدمعات
مسامحك انسي اغفر اليك
تجفف دمعة الغالي
واسامحك ما عشان عينيك
عشان تتعلم الغفران و
تصفح لو زمن جار بيك
وحاول لو قدرت كمان
تقدر قلبي ده الحابيك
وعزة نفسي مابية علي
اسلم قلبي ليك تاني
سنين الهجر بيناتنا
وحاجات تانية حامياني
ولو رجع الحنين عاود
وليك من تاني وداني
ولو مكتوب علي احب
بحب انسان يكون تاني...

إنت إنت تتنسي..

غناء: صلاح بن الباديه ..


ولقينا في دنيا العيون
يا اغلى من النور غنا
سافرنا في دنيا العيون
يا اصبا من النور غنا
فوق من رشاقة وامسيات
باقات انيقة ملونة
الحان طروبة وشوشات
أحرف موسيقى ودندنة
مالت قلوبنا عليك حنان
تسلم عيونك ذوبتنا

انساك انت انت بتتنسي
ما انت روحنا وحبنا
سافرنا في عينيك ولسة
قلوبنا بيك متجننة

طار المسا والكون صبح
عشاق جمال اتاملوا
كل الحروف الفي الخيال
بي لهفة جات وما غلوا
حتى القمر حلولو النجوم
اتلفو فيك اتغزلوا
قالوا الجمال يا غالي بيك
كانت نهايتو و أولو
نحنا في هواك يا غالي لا
لا بنطيق بعاد لا بنحملوا
اصلو المحبين الحنان
لا بنسوا لا بتحولوا

انساك
انت انت بتتنسي
انساك
يا غالي انتا بتتنسي
ما انت روحنا وحبنا
سافرنا في عينيك ولسة
قلوبنا بيك متجننة...

الابيض ضميرك

كلمات: اسحق الحلنقي
الفنان: الطيب عبدالله ..


عشت متهيئ لي حبك
كل ايامي وحنانا
ابتساماتك عزيزة
بحرق الاهات عشانا
وكنت شايلك في عيوني
باني ليك ارفع مكانة
بس لقيتك انت جاير
تظلم الحب بالمهانة
الدموع السايلة مني
يا ما سالت حرقتني
والظنون الحارقة قلبي
كم شقتني وارهقتني
انا بجني شقاي محنة
وانسى الامي الطوتني
وياما عينيك با فتتانا
للمأسي كم سقتني
انت يا الابيض ضميرك
صافي زي قلب الرطيب
في كلامك في ابتسامك
احلا من زهر الربيع ...

عيش معاي الحب

كلمات: اسحق الحلنقي
غناء: صالح الضي ..

عيش معاي الحــــب عيش معاي حنـــــانــي
خليني انسى سنين عشتهم وحدانـي
ايه يضرك تسأل يـوم علي يا غـالي
وانت وحدك عـارف همي عارف حالي
كيف اواصل صبري في الطـريق الخالي
وكيفن بدونك تصبح الليـالي ليالي

كنت دائما بصـبر مهما البعـاد اضنـانـي
في قلبي انت بتكبر وبتكبـر معاك معانـي
ارجى الايام واستنى آمالـي بيـن نيراني
والهجر مهما يطول يرجع حنانـك تانـي

ويـن يا وحيد دنياي ويا وحيـد في غرامي
وهبت ليك ايامـي وانت كيـف تسلانـي
وايه جنيت لي قلبك الكان حنـين وجفاني
لو قصدت عذابـي انا في عذابك هانـي

يا ربيع الدنيا

الاستاذ: عثمان حسين ..

يا ربيع الدنيا
في عينيا
يا نور قلبي
يا معنى الجمال
يا اُختا روحي يا أماني هواي
عشت في دنيا الخيال
أنا فيك عشقته الروعة ما أحلاها
في الدل والدلال
والمعاني الراسمة نور إشراقة
في عينيك ظلال
وابتسامتك لما تأسر قلبي
تحكي عن المحال
تحكي عن شوقك إليا
تحكي عن بُعد الوصال
من قلبي من اجل المحبة
وهبت ليك شعر الغزل
مع انو قدامي الطريق
أنا عارفو يا السمحة انقفل
مافي قسمة
مافي يا نور قلبي
حتى بصيص أمل
ما قدرت اقرب من ضراك
وما قدرت لي فراقك اصل
يا حبيبه ليه
ليه قلبك قسا وكتمتِ
ما تُخفيهُ عني
أنا عشت في حبك مقيم
ما عرفت نُكران أو تجني
وما عرفت غير حُبك غرام
وسرحت فيهو سنين بغني
ووهبت دمعاتي الغوالي
ووهبت روحي
أنا وهبت فني...

في الليلة ديك

الفنان: زيدان ابراهيم ...


في الليلة ديك
في الليلة ديك
لا هان علي أرضى و أسامحك
ولا هان علي أعتب عليك
شلتَ الجراح و الابتسامة
وكل حرمان اليتامى
جيت أهنيك و أصافحك
جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي

في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت
بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك

في الليلة ديك
جيت أهنيك وأصافحك
جيت أقول مبروك عليك..

الشوق والريد

الفنان : الكاشف...


الشوق والريد
و الحب البان في لمستك
أغاني نقولا
أغاني نقولا نقول و نعيد
الدنيا زهور
الدنيا زهور في عينينا
تصبح كل يوم زي طفلي وليد

كل الأشواق
آهه بتجرح قلب المشتاق
ديل يا هاجر ليكي رساله
لو روحك يوم تنسى دلالها
تشوفنا قريب ما تتعالى
تسألنا و نسأل عن حالها
و نعيد الكان

نعيش نعيد الكان حليل الكان
نخلي الحب يسرح بينا
يلقى جناحينو يطبر بينا
نشوف الدنيا ربيع و زهور
نسكت و تتكلم عينينا
و نعيد الكان

ليك رساله
لو روحك يوم تنسى دلالها
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ..

لك التحية علي هذه الاغاني الرائعات والتي تعتبر هي من المختارات في الغناء السوداني
تحياتي وسلااااااااااامي

لك كل الاماني
وفقك الله يا بدر الدين
وجعلك شعلة تنير هذا المنتدي سلاااااااااام

مساء الخير
يا ابو الدفاع
ويديك العافية
علي مساهماتك الرائعة
ومزيد من التألق والتطوير لترقية هذا المنتدي
شكري لك ولكل عضوية وزوار المنتدي

يديكم العافية
سلااااااااااااام