اسمع النكتة دي يا الجعلي

واحد جعلي وواحد شكري، كانوا قاعدين ليهم تحت ضل شجرة هجليج. الشكري رفع راسو لي فوق شاف اللالوب أحمر ومستوي، قال للجعلي: الجعلي يا خوي ما تطلع فوق الشدرة دي، وتجيب لينا شوية لالوب من اللالوب الأحمر السمح دا!! الجعلي زعل شديد، وقال للشكري: قالوا ليك أنا قرد بطلع الشدر؟؟!! إنت ماك عارفني أنا منو؟؟!! أنا جعلي من جنى العباس، نحن جدنا عرمان كان... فقاطعه الشكري: ياخي الموضوع طالما جاب ليهو زعل وحراق روح، بلاش من اللالوب دا خلاص قنعنا منو. بعد شوية هجم عليهم أسد في محلَّهم داك. الشكري طوالي سلَّ سيفو... وتاح تاح تراح ضرب الأسد كتلو، وبعدين اتلفت يمين شمال، الجعلي لا حس لا خبر!!! قام صنقع لفوق، شاف الجعلي متحكِّر فوق في راس الشدرة. قام قال ليهو: ( سمِح آخوي وكت الله رفع قدمك! جيب لينا اللالوبات معاك!!).

انت هنا قلت واحد جعلي وشكري لكن قاصد واحد جعلي وشايقي لكن انا مجهز ليك واحد انتظرني بوريك فيها الويل

واحد سنجك شغال بوليس حركة، ومشلَّخ شايقي شلوخاً كبار بالحيل! قام وقـَّف ليهو واحد بتاع بوكسي لفَّ الصينية غلط، وقال ليهو جيب الرخصة والتأمين. الراجل قال ليهو تعال قريب، ومد ليهو يدُّو، وقال ليهو: ( هاك دي تلاتة ألف حق الفطور، كل شلخ من شلوخك دي بألف، رايك شنو؟؟! قام السنجك اتلفت وقابلو بخدو التاني، وقال ليهو: (نان قايل جضم واحد ماشي يمرقك؟؟!).

شكر كتيييييييير اخونا عادل قسم واخونا خالد بخيت تحية طيبة اليكم جميعا فقصتكم دي بقت ذي شغل المسادير فلكم التحية